Yanga,Bunamwaya, Ulinzi, St.George , Simba zitinga Robo fainali Kagame

Julias Mrope wa Yanga akijaribu kumpita beki wa Bunamwaya ya Uganda

Chacha Marwa wa Yanga akipambana vikali na Odur wa Bunamwaya

Mashabiki wa Yanga

Hatimaye baadhi ya timu zitakazocheza hatua ya robo ya fainali katika michuano ya Klabu Bingwa Afrika Mashariki na Kati CECAFA Kagame Cup zimeshafahamika ambapo katika kundi B na C ambazo leo zimemaliza mechi zao tayari zimeshajulikana.

Kundi B timu ambazo zimeshajihakikishia hatua ya kucheza robo fainali ni Yanga ya Tanzania na Bunamwaya ya Uganda. Timu hizo zilikutana leo ambapo Yanga iliibamiza Bunawaya jumla ya magoli 3 - 2.

Kwa upande kundi C timu ya Ulinzi ya Kenya na St.George ya Ethiopia zimeingia robo fainali huku APR ikisubiri kama inaweza kucheza robo fainali kama matokeo yake yanaweza kuwa mazuri kuliko zilizoshindwa kuingia hatua hiyo ya robo fainali.

Kundi A litamaliza michezo yake Jumapili hii huku Simba ya Tanzania ikiwa imeshajihakikishia kucheza hatua ya robo fainali baada ya kuongoza kundi hilo ikiwa na pointi 7 timu ya Zanzibar Ocean View nayo kimahesabu imeshaingia hatua robo fainali japo ina mchezo mmoja uliobaki baina yake na Vital'o ya Burundi. Simba itacheza na Red Sea ya Eritrea mchezo wa mwisho katika hatua ya makundi.